ആൽഫറ്റിനാ..
നീ ഒരുപാട് ദൂരം പോയിരിക്കുന്നു..
നിൻ്റെ ശബ്ദം എൻ്റെ കാതുകളിൽ നിന്ന് മങ്ങി
എൻ്റെ ഹൃദയത്തിൽ മാത്രം അവശേഷിക്കുന്നു.
നിൻ്റെ ഗന്ധം, ഈ മുറിയുടെ ചുമരുകളെ
മുറുകെപ്പിടിച്ച് നിൽക്കാൻ ശ്രമിക്കുന്നു.
നിൻ്റെ കണ്ണുകളിലെ സത്യം, എൻ്റെ ഉള്ളിൽ
ഒരു വിളക്കായി അവശേഷിക്കുന്നു.
നിൻ്റെ പുഞ്ചിരി വീണ്ടും
എൻ്റെ സ്വപ്നങ്ങളിലേക്ക് മടങ്ങിപ്പോയിരിക്കുന്നു.
നിൻ്റെ മൃദുലമായ ചുംബനങ്ങൾക്കും
ആഴമേറിയ ചിന്തകൾക്കും നടുവിൽ
ഞാൻ ഒറ്റക്കിരുന്നു.
എനിക്ക് മുന്നിൽ നിശബ്ദത നിന്നെ മനോഹരമായി
വരച്ചുകൊണ്ടിരിക്കുന്നു,
ഇമവെട്ടാതെ ഞാനതാസ്വദിക്കുന്നു..